පෙම්වතියගෙන් ආදරය දිනාගන්න සුපිරි ක්‍රම 5ක්

ආදරය කරපු අය සමහරු හිතනවා පෙම්වතියව සතුටු කරන්න හරිම අපහසුයි කියලා. ඒත් එසේ සිතන අය කාන්තවන් වටහා නොගත් අය.

කාන්තාවන් ඉතා සුළු දේවල්වලින් බොහොම සතුටු වෙනවා මෙන්ම ඉතා කුඩා දේවල්වලට හිත් අමනාපකම් ඇතිකරගන්නා බව වටහාගත් පිරිමි අල්පයි. එසේ වටහාගත් අය ඔවුන් ආසකරන කුඩා දේවල්වලින් ඔවුන්ගේ සිත් දිනාගන්න දන්නවා. එසේ සිත්දිනාගත හැකි ක්‍රම කිහිපයකුයි මේ ගෙන එන්නේ..

1. පසුපසින් විත් හාද්දක් දීම

මෙය සෑම අවස්ථාවකම කරන්න ගිහින් වැඩේ අනාගන්න එපා. ආදරේ බව පෙන්වන්න ඉඳලා හිටලා කරොත් තමා හොඳ..

2. ඇයට උපරිමයෙන් සවන් දෙන්න.

ස්වාභාවයෙන්ම පිරිමින්ට වඩා කාන්තාවන් මානසිකව පීඩනයට ලක්වෙනවා. ඉතින් ඔවුන් පෙලඹී තියෙන්නෙ තමන්ගෙ ප්‍රශ්න තමන්ට විශ්වාස පුද්ගලයෙක් එක්ක කතාකරන එකෙන් සිත සැහැල්ලු කරගන්න. ඉතින් ඔබේ සහකාරිය ඔබට ඇගේ ගැටලු කියනවා නම් ඔබ කරන වැඩෙන් මදකට ඉවත් වී මුළු අවධානයම ඇයට දෙන්න. ඇගේ ගැටලුව ඉතා සුළු දෙයක් වෙන්න පුළුවන්. නමුත් එය ඇයට මහමෙරක් වගේ වෙන්න පුළුවන්. ඔබ සවන්දීමට මැලිකමක් දැක්වීමෙන් වෙන්නෙ ඈ තමන්ට තවත් විශ්වාස කලහැකි පුද්ගලයෙක් වෙත ඇදී යන එකයි. එසේම ඈ පවසන සියලු ගැටලුවලට මැදිහත් වෙන්න හෝ පිලියම් සපයන්න යන්නෙපා. එය නොවේ ඇයට අවශ්‍යය. එසේ ගැටලුවක් නම් ඔබට එය වැටහේවි. එවිට ඇයට සහය වන්න.

3. ඇගේ පෞද්ගලිකත්වයට ගරු කරන්න.

ඔබට ඇය ගැන සැක වෙන්න පුළුවනි. නමුත් ඇගේ පර්ස් එක, බෑග් එක, ෆෝන් එක, ඊමේල් එකවුන්ට් එක, ෆෙස්බුක් එකවුන්ට් එක වගේ දේවල් අවුස්සන්න යන්නෙපා. ඒකෙන් ඔබේ සැකය ඉවත්ව යෑම සිදුවන්නෙ නෑ. සිදුවන්නෙ ඇය තුල ඔබ ගැන අප්‍රසාදයක් ඇතිවීම පමණයි. මගේ මතය නම් කිසිම දෙයක් සැමදාම සගවන්න බැහැ. එම නිසා ඔබ නිවැරදි නම් අනෙකා වරදක් කර ඔඛෙන් වෙන්වී යයි නම් ඔබ නොතැවිය යුතු බවයි.

4. ඇයට කෑමක් පිලියෙල කරන්න හෝ ගේදොර කටයුතුවලට උදව්වන්න

ගේදොර කටයුතු යන්න කාන්තාවකගේම වගකීමක් වෙන්නෙ නෑ. ඉදහිට මේවාට උදව්වීමෙන් ඇගේ ආදරය ඔබට දිනාගත හැකියි. උදාහරණයක් විදිහට ඉරිදා උදේ ඇය ඇහැරෙන විට උදෑසන ආහාරය පිලියෙල කර තැබීම. ඒවගේම මේක දිගටම කරන්න යන්නත් එපා. එමගින් වන්නේ එය පුරුද්දකට ගොස් එය සාමාන්‍ය දෙයක් බවට පත්වී අවසානයේ එය ඔබේ වගකීමක් ලෙසට දැකීම. එවිට ඉරිදා උදේ උදෑසන ආහාරය පිලියල වී නැති දිනයේදී ඇය ඔබට දොස් නගාවි.

5. ඇයව හා ඇගේ ගෞරවය ආරක්ෂා කරන්න

ඔබ ඉදිරියේ වෙනත් අයෙකු විසින් ඔබේ පෙම්වතියව අගෞරවයට පත්වෙන්න ඉඩ තියන්න එපා. තමන්ගේ ගෞරවය වෙනුවෙන් සටන් වදින පිරිමියෙකුට තරම් කාන්තාවක් වෙන කාටවත් ආදරේ වෙන්නෙ නැහැ. ඒවගේම පාරේ එකට ගමන්කරද්දි ඇගේ අවසරය ඇත්නම් ඇගේ අතගෙන ගමන්කිරීමෙන් ඇයට ආරක්ෂාකාරී බවක් මෙන්ම ආදරයක් දැනේවි.

පහතින් මේ පෝස්ට් එක ශෙයාර් කරලා අපිව දිරිමත් කරන්න.

DoraLock

---

අපිට Like එකක් දාලා Follow කරන්න අමතක කරන්න එපා.